बिर्तामोड, चैत २१ । रोट्रयाक्ट क्लब अफ बिर्तामोडले जिल्ला प्रहरी कार्यालय झापामा रहेको नागरिक सहायता डेस्कलाई एक थान ह्विलचेयर हस्तान्तरण गरेको छ ।
जिल्ला प्रहरी प्रमुख बसुन्धरा खड्काको उपस्थितिमा सम्पन्न कार्यक्रममा उक्त ह्विलचेयर हस्तान्तरण गरिएको हो । क्लबका अध्यक्ष सुशील थापाको नेतृत्वमा भएको कार्यक्रममा पूर्वअध्यक्षहरू सेवानिवृत्त दिवाकर प्रसाईं, सेवानिवृत्त वसन्त ढकाल, सेवानिवृत्त बप्पा साह तथा क्लबका अन्य सदस्यहरूको उल्लेखनीय सहभागिता रहेको थियो।
क्लबका पदाधिकारीहरूले नागरिक सहायता डेस्कमार्फत सेवाग्राहीलाई सहजता प्रदान गर्ने उद्देश्यले ह्विलचेयर उपलब्ध गराइएको बताएका छन् । उक्त सहयोगबाट विशेषगरी अशक्त, ज्येष्ठ नागरिक तथा शारीरिक रूपमा असहज अवस्थाका सेवाग्राहीलाई राहत पुग्ने अपेक्षा गरिएको छ ।
रोट्रयाक्ट क्लबले समुदायमा सामाजिक उत्तरदायित्व निर्वाह गर्दै आवश्यकतामा परेकाहरूलाई सहयोग गर्ने कार्यलाई निरन्तरता दिँदै आएको जनाएको छ ।
